Halaga ng ating Wika

Wika na naging boses ng ating lahi

Salitang pumapangaral sa ating bawat mali

Tinig na sa ating pandinig ay nambighani

Wikang sa mundo ng Pinoy ay naghahari

Sa panahong ito ay mawala

Handa ka bang ito ay hanapin

Sa sandaling ito ay palitan

Kaya mo ba itong kalimutan

Kailangan pa ba ng makatang tula

O ng isang magandang dula

Bago natin tuluyang maalala

Ating wikang, tunay na halaga

Ilang salita man ang nagbigay ng tuwa

Ilang kwento man ang binigyang diwa

Ilang balita man ang magbigay ng salimuot

Ilang kasaganahan man ang maidulot

Halaga nito ay di man Makita

Baguhin man ang ating pananalita

Sakali man ito ay mag laho

Mananatili ito sa ating puso